🔘Xalq deputatlari Jizzax shahar Kengashining navbatdagi sessiya muhokamasiga kiritiladigan masalalarni dastlabki tarzda ko‘rib chiqish maqsadida shahar Kengashining “Mahalliy byudjet, tadbirkorlikni rivojlantirish va iqtisodiy islohotlar bo‘yicha” doimiy komissiya yig‘ilishi o‘tkazildi.
🔻Kun tartibidagi masalalar:

🔸1. Shahar hokimi birinchi o‘rinbosarining Jizzax shahrida kambag‘allikni qisqartirish, aholi daromadlarini oshirish va bandligini taʼminlash, tadbirkorlik subyektlarini qo‘llab-quvvatlash hamda tadbirkorlik faoliyatini rivojlantirish borasida amalga oshirilayotgan ishlar, shuningdek, og‘ir toifaga kiritilgan “Sayxon” mahallasini kompleks rivojlantirish bo‘yicha tasdiqlangan chora-tadbirlar dasturining ijrosi to‘g‘risidagi hisobotini eshitish.
🔸 2. Shaharga investitsiyalarni jalb qilish va investitsiya loyihalarini amalga oshirish, eksport salohiyatini rivojlantirish dasturlari bo‘yicha 2026 yilning 9 oyi davomida amalga oshirilgan ishlar to‘g‘risida.
🔸3. Xalq deputatlari Jizzax shahar Kengashi deputatlari tomonidan saylovchilar bilan uchrashuv davomida aniqlangan ayrim masalalar to‘g‘risida.
🔸4. “Infratuzilma va ijtimoiy barqarorlik” jamg‘armasidan mablag‘ ajratish to‘g‘risida.
🔸5. Shahar byudjetining qo‘shimcha manbalaridan foydalanish to‘g‘risida.
🔸6. Xalq deputatlari shahar Kengashining ayrim qarorlariga o‘zgartirish kiritish to‘g‘risida.

🔹Yig‘ilish davomida, doimiy komissiya aʼzolari yuqoridagi masalalar yuzasidan o‘z fikrlarini bildirib o‘tdilar. Yig‘ilish so‘ngida deputatlar tomonidan bildirilgan fikr-mulohazalarni inobatga olib, doimiy komissiyaning tegishli qarorlari qabul qilindi.