Xalq deputatlari Oltinsoy tuman Kengashi tomonidan hududlarda olib borilayotgan qurilish va infratuzilma ishlari ustidan tizimli deputatlik nazorati amalga oshirilmoqda.

Xususan, Xalq deputatlari Oltinsoy tuman Kengashining 3-“Mustaqillik” saylov okrugidan saylangan deputat Turopova Dilbar Toji qizining saylov okrugi hududidagi “Mustaqillik 10-yilligi” mahallasida joylashgan 13-sonli umumta’lim maktabida deputatlik nazorati tartibida o‘rganish ishlari olib borildi.

O‘rganish jarayonida Xalq deputatlari Surxondaryo viloyati Kengashi deputati A.Oripov hamda Kengash Kotibiyati bosh mutaxassisi I.Roziqov qatnashdilar.

🏫 O‘rganish davomida: Deputatlar va ekspert guruhi a’zolari ta’lim muassasasining qurilish va obodonlashtirish holati, o‘quv xonalari va yo‘laklardagi shart-sharoitlar, o‘quvchilar uchun yaratilgan zamonaviy imkoniyatlar hamda muassasa binosining umumiy infratuzilmasini bevosita ko‘zdan kechirdilar.

Shuningdek, maktab binosida energiya tejamkor quyosh panellari o‘rnatilganligi, hududning obodonlashtirilgani va ta’lim jarayoni uchun zarur shart-sharoitlar yaratilgani ta’kidlanib, kelgusidagi vazifalar yuzasidan tegishli tavsiyalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz