Xalq deputatlari Oltinsoy tumani Kengashida ekspert guruhi a’zolarining yig‘ilishi o‘tkazildi.

Yig‘ilish davomida amaldagi qonunchilik hujjatlari ijrosini ta’minlash, ilgari qabul qilingan Kengash qarorlarining bajarilish holatini tahlil qilish hamda tumanni ijtimoiy-iqtisodiy rivojlantirishga qaratilgan dolzarb masalalar atroflicha muhokama qilindi.

📋 KUN TARTIBIDAGI ASOSIY MASALALAR

⚖️ Qonunchilik hujjatlari ijrosi. Tumanda amaldagi qonunchilik hujjatlari hamda avval qabul qilingan Xalq deputatlari tuman Kengashi qarorlarining ijro holati ko‘rib chiqilib, belgilangan vazifalarning bajarilishi yuzasidan tahlillar o‘tkazildi.

📄 Qaror loyihalarini muhokama qilish. Xalq deputatlari Oltinsoy tumani Kengashining navbatdagi sessiyasi kun tartibiga kiritilishi rejalashtirilgan qaror loyihalari har tomonlama ko‘rib chiqildi. Muhokamalar davomida loyihalarning mazmuni, qonunchilik talablariga muvofiqligi hamda amaliy ahamiyati yuzasidan fikr va takliflar bildirildi. Shuningdek, qaror loyihalarini takomillashtirish maqsadida tegishli o‘zgartirish va qo‘shimchalar kiritish bo‘yicha tavsiyalar ilgari surildi.

Yig‘ilish yakunida muhokama qilingan masalalar yuzasidan bildirilgan takliflarni inobatga olish, qaror loyihalarini yanada takomillashtirish hamda ularni sessiya muhokamasiga sifatli tayyorlash muhimligi ta’kidlandi.

Ekspert guruhi faoliyati Kengash qarorlarining puxta ishlab chiqilishi, qonuniyligi va samarali ijrosini ta’minlashga xizmat qiladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz