Xalq deputatlari Yunusobod tumani Kengashi tomonidan fuqarolarning murojaatlarini o‘rganish, ularning muammolarini joyida ko‘rib chiqish hamda tegishli mas’ul tashkilotlar bilan hamkorlikda yechim topish maqsadida navbatdagi fuqarolar qabuli o‘tkazildi.

👤Qabulda xalq deputatlari Yunusobod tumani Kengashi deputati, tuman hokimi
A. Saidaliyev, tuman mas’ullari, tegishli korxona va tashkilotlar vakillari hamda mahalla faollari ishtirok etdi.

✍️Qabul davomida fuqarolarning turli sohalarga oid murojaat va takliflari tinglanib, ularning asosiy qismi quyidagi masalalarga qaratildi:

🔹Kommunal soha: elektr energiyasi, isitish tizimi, ichimlik suvi va kanalizatsiya bilan bog‘liq masalalar.

🔹Ijtimoiy himoya: ehtiyojmand oilalarga moddiy yordam, imtiyoz va subsidiyalar ajratish masalalari.

🔹Iqtisodiy imkoniyatlar: ishga joylashish, imtiyozli kreditlardan foydalanish hamda tadbirkorlik faoliyatini yo‘lga qo‘yish bo‘yicha ko‘mak.

🔹Huquqiy va maishiy masalalar: uy-joyni ta’mirlash, hujjatlarni rasmiylashtirish hamda mulk huquqiga oid murojaatlar.

✅Deputat A. Saidaliyev tomonidan har bir murojaat atroflicha o‘rganilib, aniqlangan muammolarni qonunchilik doirasida hal etish yuzasidan tegishli mas’ullarga topshiriq va tavsiyalar berildi.

📌Murojaatlarning ijrosi deputatlik nazorati tartibida o‘rganilib, fuqarolar tomonidan ko‘tarilgan masalalarning amaliy yechimini ta’minlash bo‘yicha tegishli choralar ko‘riladi.