#Sessiya_oldi_organish #19_1_Modda_ijrosi

❗️YAKKASAROY TUMANIDA GAZ TA’MINOTI VA AVARIYA-DISPETCHERLIK XIZMATI FAOLIYATI O‘RGANILDI

🏛 Xalq deputatlari Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi a’zolari hamda Toshkent shahar Kengashi deputatlari tomonidan Toshkent shahar hokimining o‘rinbosari — Uy-joy kommunal xo‘jaligi bosh boshqarmasi boshlig‘i Muminov Obidjon Odilovich boshchiligida, mutasaddi tashkilotlar rahbarlari bilan birgalikda poytaxtda ichimlik va issiq suv, elektr energiyasi, tabiiy gaz ta’minoti, kanalizatsiya tizimi hamda 2026–2027-yillar kuz-qish mavsumiga tayyorgarlik holati yuzasidan hududlarda sessiyaoldi o‘rganish ishlari olib borildi.

🔺 O‘rganishlarning dastlabki manzili Yakkasaroy tumanidagi markaziy avariya-dispetcherlik markazi bo‘ldi. Deputatlar va soha mutasaddilari markazning kundalik faoliyati, tabiiy gaz ta’minoti tizimida yuzaga keladigan nosozliklarga tezkor munosabat bildirish hamda aholining murojaatlarini qabul qilish jarayonlari bilan tanishdi.

♻️ Jarayonda kuz-qish mavsumida tabiiy gaz ta’minotining barqarorligini ta’minlash, gaz tarmoqlaridagi bosimni nazorat qilish, avariya holatlarining oldini olish va ularni tezkor bartaraf etish masalalariga alohida e’tibor qaratildi.

📞 Shuningdek, dispetcherlik xizmatiga kelib tushayotgan murojaatlarni ro‘yxatga olish, ularni tegishli avariya brigadalariga yo‘naltirish, tezkor xizmatlarning o‘zaro hamkorligini tashkil etish hamda fuqarolarni yuzaga kelgan uzilishlar haqida xabardor qilish tartiblari ko‘rib chiqildi.

🗣 “Hududgaz Poytaxt” GTF boshlig‘i B. Po‘latov mas’ulligida markaz faoliyati, mavjud texnik imkoniyatlar, gaz taqsimlash tarmoqlarining mavsumga tayyorgarligi hamda xizmat ko‘rsatish samaradorligini oshirish bilan bog‘liq masalalar muhokama qilindi.

📋 O‘rganish davomida gaz ta’minoti sohasidagi xavfsizlik talablariga rioya etish, avariya-dispetcherlik xizmatining doimiy shayligini ta’minlash va kuz-qish mavsumida aholini uzluksiz tabiiy gaz bilan ta’minlashga qaratilgan choralar e’tibor markazida bo‘ldi.

➡️ Poytaxtda kommunal ta’minot tizimlari va kuz-qish mavsumiga tayyorgarlik holatini o‘rganish ishlari navbatdagi manzillarda davom etmoqda.

📱 Telegram 📱 Instagram 📱 Facebook 📱 YouTube 🔎 E-kengash