Bugun Respublika Kambag‘allikni qisqartirish va bandlik vaziri Behzod Musayev Do‘stlik tumanida bo‘ldi.
Behzod Musayev viloyat mutasaddilari hamda Xalq deputatlari tuman Kengashi raisi, tuman hokimi Shavkat Darvishev hamrohligida tumanda tashkil etilayotgan Mikrosanoat va xizmat ko‘rsatish markazi faoliyati bilan tanishdi.
Ta’kidlanganidek, Markazda sanoat va xizmat ko‘rsatish sohalari bo‘yicha tadbirkorlik subyektlari bir hududga jamlanib, ular uchun zarur barcha shart-sharoitlar yaratilgan. So‘nggi hisob-kitoblar bo‘yicha bu yerda 1100 ga yaqin yangi ish o‘rinlari tashkil etiladi. Ularga asosan daftarlarga kiritilgan hamda ishlash istagida bo‘lgan ishsiz fuqarolar qabul qilinadi.
Vazir markazda ish olib borayotgan tadbirkorlik subyektlari faoliyati yaqindan bilan tanisharkan, tashkil etilayotgan ish uslubi va ishlab chiqarilgan mahsulotlarga yuqori baho berdi.