Xalq deputatlari Qo‘qon shahar Kengashi kotibiyati mudiri A.Nosirov tomonidan fuqarolar qabuli o‘tkazilib, murojaatlar tinglandi.

Qabul davomida Qo‘qon shahar “Achchiqko‘l” mahallasi Kamoliddin Behzod ko‘chasi 7-uyda yashovchi fuqaro S.Tursunova nabirasi Yu.Tursunovni ta’limga jalb etish hamda yashash joyiga qatnovi qulay bo‘lgan umumta’lim maktabiga joylashtirish masalasida amaliy yordam so‘rab murojaat qildi.

Mazkur murojaat atroflicha o‘rganib chiqilib, bolaning ta’lim olishi uchun qulay shart-sharoit yaratish hamda murojaatni ijobiy hal etish yuzasidan zarur choralarni ko‘rish belgilandi.

Fuqarolar murojaatlarini o‘z vaqtida o‘rganish, ularning qonuniy manfaatlarini ta’minlash va muammolariga amaliy yechim topish borasidagi ishlar davom ettiriladi.

Xalq deputatlari Qo‘qon shahar Kengashi