Yangi davr mahallasida reestrdagi fuqarolar holati o‘rganildi

Xalq deputatlari Oqoltin tumani Kengashi kotibiyati mudiri N.Turdiyev hamda bosh mutaxassis U.Kenjayev tomonidan Yangi davr mahallasida reestrga kiritilgan fuqarolar va ularning daromadlarini oshirish bo‘yicha amalga oshirilayotgan ishlar holati o‘rganildi.

O‘rganish davomida joriy yilning I yarim yilligida reestrga kiritilgan fuqarolar soni 176 nafarni tashkil etgani, bugungi kunda esa ushbu ko‘rsatkich 152 nafarga kamaygani aniqlandi.

Shuningdek, reestrga kiritilgan fuqarolardan 15 nafariga tadbirkorlik faoliyatini yo‘lga qo‘yish va o‘zini o‘zi band qilish maqsadida imtiyozli kreditlar ajratilgani o‘rganish davomida ma’lum bo‘ldi. Mas’ullarga fuqarolarning daromadlarini oshirish va reestrdan chiqarish bo‘yicha ishlarni davom ettirish yuzasidan tegishli tavsiyalar berildi.