Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq  O‘zbekiston “Adolat” sotsial-demokratik partiyasidan saylangan deputat N.Nadirova tomonidan tuman Davlat xizmatlari markazi hamda Fuqarolik holati dalolatnomalarini yozish bo‘limi (FHDYo) faoliyati o‘rganildi.

🔻Davlat xizmatlari markazida fuqarolarga ko‘rsatilayotgan xizmatlar jarayoni bilan tanishilib, aholining turli masalalar bo‘yicha murojaatlarini qabul qilish, ularga zarur ma’lumot va tushuntirishlar berish, hujjatlarni rasmiylashtirish hamda xizmatlarni belgilangan tartibda ko‘rsatish holatiga e’tibor qaratildi. Shuningdek, fuqarolar uchun navbat kutish, murojaat qilish va xizmatlardan foydalanish jarayonida qulayliklarni ta’minlash, xodimlarning murojaatchilar bilan muomala madaniyati va xizmat ko‘rsatish sifatini yanada oshirish masalalari muhokama qilindi.

🔻FHDYo bo‘limi faoliyati bilan tanishish davomida esa tug‘ilish, nikoh, nikohdan ajralish, o‘lim va fuqarolik holatiga oid boshqa dalolatnomalarni davlat ro‘yxatidan o‘tkazish, tegishli ma’lumot va guvohnomalarni rasmiylashtirish ishlari yuzasidan ma’lumotlar olindi.

🔻Shu bilan birga, davlat xizmatlaridan foydalanishda fuqarolarning huquq va manfaatlarini ta’minlash, murojaatlarni o‘z vaqtida va sifatli ko‘rib chiqish, xizmat ko‘rsatish madaniyatini yanada oshirish bo‘yicha mas’ullarga tegishli tavsiyalar berildi.