Шымбай районында пуқаралардың мүрәжатлары менен ислесиў, олардың турмыс шараятын жақсылаў бағдарындағы әмелий жумыслар турақлы даўам етпекте.

Усы жумыслардың даўамы сыпатында 24-"Қ.Аўезов" сайлаў округынан Өзбекстан Халық демократиялық партиясынан сайланған депутат, Халық депутатлары Шымбай районлық Кеңеси баслығы О.Толыбеков өзи сайланған «Темир жол гүзары» МПЖ аймағында болып, аймақ турғынлары менен ушырасты.

♻️ Ушырасыў даўамында депутат мәҳәлле белсендилери ҳәм көше бийлери менен ушырасып, аймақтағы ишки жоллардың жағдайы, электр ҳәм ишимлик суў тармақларындағы кемшиликлерди сапластырыў ҳәм аймақты абаданластырыў мәселелерин терең үйренди. Буннан тысқары, социаллық қорғаўға мүтәж шаңарақлардың жасаў шараяты ҳәм жаслар бәнтлигин тәмийинлеў бойынша ашық пикирлесиў өткерилди.

✍️ Илаж соңында билдирилген ҳәр бир мүрәжат депутатлық қадағалауға алынды ҳәм олардың орынланыўы бойынша тийисли мәкеме басшыларына тапсырмалар берилди.