Xalq deputatlari Paxtakor tumani Kengashi deputati U.Safarov 4-sonli umumta’lim maktabida yangi 2026/2027-o‘quv yili boshlanishiga bag‘ishlangan “Bilimlar kuni” tadbirida ishtirok etdi.

Bayram tadbirida o‘quvchilar, ustozlar va ota-onalar ishtirok etib, yangi o‘quv yilini ko‘tarinki kayfiyatda qarshi oldilar.

Ayniqsa, maktab ostonasiga ilk bor qadam qo‘ygan 1-sinf o‘quvchilari uchun bu kun unutilmas taassurotlarga boy bo‘ldi. Deputat jajji o‘quvchilar bilan suhbatlashib, ularni yangi hayot bosqichi — maktab ta’limini boshlaganlari bilan tabrikladi.

1-sinf o‘quvchilariga mustahkam bilim, a’lo baholar, yangi do‘stlar va kelajakdagi orzulariga erishishlarini tilab, ularga omad yor bo‘lishini bildirdi.

📚 Maktab ostonasidagi ilk qadam — buyuk kelajak sari boshlangan ilk qadamdir!