Xalq deputatlari Bekobod tumani Kengashiga O‘zbekiston “Adolat” sotsial-demokratik partiyasidan saylangan deputat Dj.Shaxmayev o‘ziga biriktirilgan Tuman adliya bo‘limi faoliyati bilan tanishdi.

6 oy davomida bo‘lim tomonidan 79 ta davlat organi va tashkilotga 238 ta normativ-huquqiy hujjat yetkazildi, jami 842 ta huquqiy targ‘ibot tadbiri o‘tkazildi.

Shuningdek, 6 ta tashkilotda o‘rganish va 8 ta monitoring ishlari amalga oshirilib, 262 ta qonunbuzilish holati aniqlandi hamda ularni bartaraf etish yuzasidan 32 ta taqdimnoma kiritildi.

Adliya bo‘limining ushbu ishlari hududda qonun ustuvorligini ta’minlash va aholining huquqiy savodxonligini oshirishga xizmat qilmoqda. ⚖️