Xalq deputatlari Jondor tumani Kengashiga 15-Pahlavon saylov okrugidan saylangan deputat M. Xidirova tomonidan saylov okrugi hududidagi Bo‘ribog‘i qishlog‘ida istiqomat qiluvchi fuqarolarning murojaatlari joyiga chiqqan holda o‘rganildi.
🔹Uchrashuv davomida aholi tomonidan bildirilgan muammo va takliflar atroflicha tinglanib, har bir murojaat yuzasidan tegishli o‘rganish ishlari olib borildi. Deputat fuqarolarning murojaatlarini bevosita joyida eshitib, ularni hal etish imkoniyatlari va amalga oshirilishi lozim bo‘lgan chora-tadbirlarni muhokama qildi.
🔹Murojaatlarda ko‘tarilgan masalalarni tegishli tashkilotlar bilan hamkorlikda hal etish, aholi manfaatlarini ta’minlash va fuqarolarning qonuniy huquq hamda manfaatlarini himoya qilish deputatlik faoliyatining muhim yo‘nalishlaridan ekani ta’kidlandi.
🔹Deputat M. Xidirova har bir murojaat e’tiborsiz qolmasligi, aholi bilan doimiy muloqotni yo‘lga qo‘yish hamda ko‘tarilayotgan muammolarning amaliy yechimini ta’minlash borasida zarur choralarni ko‘rishini bildirdi.