SEYSMIK XAVFSIZLIK: DEPUTATLIK O‘RGANISHI
Xalq deputatlari Pastdarg‘om tumani Kengashi agrar, suv xo'jaligi va ekologik masalalar bo'yicha doimiy komissiya tomonidan O'zbekiston Respublikasi Vazirlar Mahkamasining 2012-yil 30 iyundagi 405-son qarorini "BINO VA INSHOOTLARNING SЕYSMIK MUSTAHKAMLIGINI BAHOLASH HAMDA ELЕKTRON TЕXNIK PASPORTLARNI SHAKLLANTIRISH TIZIMINI JORIY ETISH TO‘G‘RISIDA"gi qaror ijrosini ta'minlash maqsadida tumandagi bino va inshootlarning elektron texnik pasportlari, seysmik holati hamda texnik xavfsizligi bo‘yicha o‘rganish ishlari olib borilmoqda.
O‘rganish davomida:
🔹 obyektlarning elektron texnik pasportlari shakllantirilgani va yagona platformaga kiritilgani;
🔹 oxirgi vizual hamda instrumental-texnik tekshiruvlar o‘tkazilgan muddati;
🔹 bino konstruksiyalarida yoriq, deformatsiya va boshqa nuqsonlar mavjudligi;
🔹 aniqlangan kamchiliklar bo‘yicha dalolatnoma va xulosalar mavjudligi;
🔹 seysmik zaif obyektlarni mustahkamlash bo‘yicha ko‘rilayotgan choralar;
🔹 ta’mirlash va mustahkamlash ishlari uchun mablag‘ manbalari hamda ijro muddatlari;
🔹 aniqlangan kamchiliklarni bartaraf etish uchun mas’ul shaxslar faoliyati
tahlil qilinmoqda.
🎯 Asosiy maqsad — aholi, ayniqsa bolalar va ijtimoiy soha xodimlari xavfsizligini ta’minlash, seysmik jihatdan zaif obyektlarni o‘z vaqtida aniqlash va mavjud muammolarni bartaraf etish bo‘yicha aniq choralarni belgilash.
Muammo — tahlil — aniq chora — deputatlik nazorati.