Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat N.Nadirova tomonidan tumanda xotin-qizlarni har tomonlama qo‘llab-quvvatlash, ularning bandligini ta’minlash, tadbirkorlik faoliyatini rivojlantirish hamda ijtimoiy himoyasini kuchaytirish borasida amalga oshirilayotgan ishlar holati o‘rganildi.

🔻O‘rganish davomida tuman Oila va xotin-qizlar bo‘limida “Ayollar daftari”ga kiritilgan 4400 nafar xotin-qizlarning muammolarini bartaraf etish va ularni qo‘llab-quvvatlash borasida amalga oshirilayotgan ishlar tahlil qilindi.

🔻Xotin-qizlarning iqtisodiy faolligini oshirish va tadbirkorlik tashabbuslarini qo‘llab-quvvatlash maqsadida “Ayollar daftari”ning 2-toifasida turgan 6 nafar xotin-qizga tadbirkorlik faoliyatini kengaytirish, 75 nafar xotin-qizlarga tadbirkorlik faoliyatini boshlashga ko‘maklashilganligi qayd etildi.

🔻Bundan tashqari, 63 nafar xotin-qizlarning xonadonlarini ta’mirlash uchun jamg‘armadan mablag‘lar ajratilganligi, ijtimoiy himoyaga muhtoj, ijara asosida istiqomat qilayotgan 8 nafar xotin-qizlarni qo‘llab-quvvatlash maqsadida zaruriy miqdorda mablag‘lar sarflanishi rejalashtirilgani ma’lum qilindi.

🔻O‘rganish jarayonida xotin-qizlarning muammolarini manzilli hal etish, ularni doimiy daromad manbai bilan ta’minlash, tadbirkorlik faoliyatiga keng jalb qilish, yashash sharoitlarini yaxshilash hamda ijtimoiy himoyasini kuchaytirish borasida amalga oshirilayotgan ishlarga alohida e’tibor qaratildi. Shuningdek, belgilangan vazifalar ijrosini ta’minlash, mavjud kamchiliklarni bartaraf etish hamda xotin-qizlarni har tomonlama qo‘llab-quvvatlash bo‘yicha amaliy ishlarni yanada kuchaytirish yuzasidan mas’ullarga tegishli topshiriq va tavsiyalar berildi.