Xalq deputatlari tuman Kengashi deputatlari E.Babayev, J.Usmonov hamda tuman hokimligidan vakil D.Mardiyev ishtirokida “Mustaqillik” mahallasining yettiligi va saylovchilar bilan uchrashuv o‘tkazildi. Muloqot davomida mahalla hududidagi mavjud muammolar, aholini qiynayotgan masalalar hamda ularni bartaraf etish bo‘yicha fuqarolarning taklif va murojaatlari tinglandi.

Xususan, fuqarolar tomonidan “Navro‘z” ko‘chasidagi ichimlik suvi quvurining nosozligi sababli yuzaga kelayotgan muammo ko‘tarildi. Shuningdek, “Ko‘kaldosh” ko‘chasida ayrim xonadonlarni ta’mirlash uchun olib kelingan shag‘al va qum uyumlari ko‘cha bo‘ylab to‘kilib qolganligi, bu esa hududda asfaltlashtirish ishlarini olib borishda qiyinchilik tug‘dirayotgani bildirildi.

Bundan tashqari, 5-sonli umumta’lim maktabi yonida avtotransport vositalarining tartibsiz qo‘yilishi piyodalar harakatiga noqulaylik tug‘dirayotgani ta’kidlanib, mazkur hududga tegishli yo‘l belgilarini o‘rnatish taklif qilindi.