13-SONLI MAKTABDA YANGI O‘QUV YILIGA TAYYORGARLIK JARAYONI O‘RGANILDI

📚 Xalq deputatlari Navoiy shahar Kengashi deputati Ergashev Dilmurod Bekmurodovich tomonidan Navoiy shahridagi 13-sonli umumiy o‘rta ta’lim maktabida yangi o‘quv yiliga tayyorgarlik jarayonlari o‘rganildi.

🔎 O‘rganish davomida maktabning yangi qo‘shimcha binosida amalga oshirilgan qurilish-ta’mirlash ishlari, o‘quv xonalarining holati, fan kabinetlarining jihozlanishi hamda o‘quvchilar uchun yaratilayotgan shart-sharoitlar ko‘zdan kechirildi.

🏫 Shuningdek, yangi o‘quv yilini munosib kutib olish maqsadida maktab hududida olib borilayotgan obodonlashtirish ishlari, sanitariya holati va ta’lim jarayoni uchun zarur sharoitlarni yaratish masalalariga alohida e’tibor qaratildi.

🤝 O‘rganish davomida maktab rahbariyati va mas’ul xodimlar bilan suhbatlashilib, yangi binodan samarali foydalanish, o‘quvchilar uchun qulay ta’lim muhitini shakllantirish hamda mavjud kamchiliklarni bartaraf etish yuzasidan fikr almashildi.

⚖️ Mazkur o‘rganish O‘zbekiston Respublikasining 2020-yil 23-sentabrdagi O‘RQ-637-son “Ta’lim to‘g‘risida”gi Qonunida belgilangan ta’lim sohasidagi asosiy talab va tamoyillardan kelib chiqib, o‘quvchilarning sifatli ta’lim olishi uchun munosib shart-sharoitlarni ta’minlash maqsadida amalga oshirildi.

📌 O‘rganish yakunlari bo‘yicha yangi o‘quv yiliga tayyorgarlik ishlarini yakunlash, aniqlangan kamchiliklarni bartaraf etish, o‘quv xonalarini zarur jihozlar bilan ta’minlash hamda maktab hududida tartib va obodonlashtirish ishlarini davom ettirish yuzasidan tegishli tavsiyalar bildirildi.

🌟 Zamonaviy va qulay ta’lim muhiti — yosh avlodning puxta bilim olishi va kelajakda munosib o‘rin egallashi uchun muhim omildir.