#tavsiyalar
#yoshlar_maslahat_guruhi
#deputatlik_nazorati

“Oila va xotin-qizlar” bo‘limi faoliyati hamda 257-son qaror ijrosi o‘rganildi

Qaror qabul qilish — bir qadam, uning amaldagi ijrosini ta’minlash esa undan-da katta mas’uliyat!

Xalq deputatlari Kogon shahar Kengashi kotibiyati mudiri Sh. Isamutdinov, bosh mutaxassislar I. Ikromov va Z. Temirova tomonidan Oila va xotin-qizlar bo‘limi faoliyati joyiga chiqib, deputatlik nazorati asosida o‘rganildi.

O‘rganish O‘zbekiston Respublikasi Vazirlar Mahkamasining 2026-yil 19-maydagi 257-son qarori asosida olib borilib, unda belgilangan vazifalarning Kogon shahrida qay darajada va qanday natija bilan amalga oshirilayotgani atroflicha tahlil qilindi.

Ayniqsa, xotin-qizlarni qo‘llab-quvvatlash, oilalarni mustahkamlash, muammoli oilalar bilan manzilli ishlash, ehtiyojmand ayollarga ko‘maklashish va ularning bandligini ta’minlash borasidagi ishlar alohida e’tibor markazida bo‘ldi.

Eng muhimi, o‘rganish jarayonida qog‘ozdagi hisobot emas, joylardagi real holat va amaliy natija asosiy mezon sifatida belgilandi.

Aniqlangan holatlar yuzasidan mas’ullarga tegishli tavsiya va takliflar berilib, qarorda belgilangan vazifalarni samarali amalga oshirish bo‘yicha zarur choralar belgilandi.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash