🏘 BUNYODKOR MAHALLASIDAGI ICHKI KO‘CHALARNI TA’MIRLASH JARAYONI O‘RGANILDI

✅ Xalq deputatlari Navoiy shahar Kengashi deputati Navro‘zov Erkin Ergashevich hamda Xalq deputatlari Navoiy shahar Kengashi kotibiyat mudiri Jo‘rabek Hafizov tomonidan 5-Bunyodkor saylov okrugi hududidagi Bunyodkor mahallasida ichki ko‘chalarni ta’mirlash jarayoni o‘rganildi.

🔎 O‘rganish ishlari xalq deputatlari Navoiy shahar Kengashining Agrar, suv xo‘jaligi va ekologiya masalalari bo‘yicha doimiy komissiyasi bilan hamkorlikda amalga oshirildi.

🚧 O‘rganish davomida ichki ko‘chalarda olib borilayotgan ta’mirlash ishlarining borishi, yo‘l qoplamalarining sifati, belgilangan ishlarning amaldagi holati hamda fuqarolar uchun yaratilayotgan qulayliklar ko‘zdan kechirildi.

🤝 Shuningdek, hududdagi mavjud muammolar va fuqarolar tomonidan bildirilgan takliflar o‘rganilib, aniqlangan masalalarni tegishli tashkilotlar bilan hamkorlikda hal etish yuzasidan fikr almashildi.

⚖️ Mazkur o‘rganish ishlari O‘zbekiston Respublikasining 1993-yil 2-sentabrdagi 913-XII-son “Mahalliy davlat hokimiyati to‘g‘risida”gi Qonunida belgilangan xalq deputatlari Kengashlarining vakolatlari hamda 2007-yil 2-oktabrdagi O‘RQ-117-son “Avtomobil yo‘llari to‘g‘risida”gi Qonuni talablari asosida hudud infratuzilmasining holatini o‘rganish va aholi manfaatlarini ta’minlashga qaratildi.

📌 O‘rganish yakunlari bo‘yicha ichki ko‘chalarni ta’mirlash ishlarini sifatli va belgilangan talablar asosida amalga oshirish, mavjud kamchiliklarni bartaraf etish hamda aholiga qulay sharoit yaratish yuzasidan tegishli takliflar bildirildi.

🌿 Hudud infratuzilmasini yaxshilash, obodonlashtirish va fuqarolar uchun qulay shart-sharoitlar yaratish — deputatlik nazoratining muhim yo‘nalishlaridan biridir.