Xalq deputatlari Chilonzor tumani Kengashining 8-Lutfiy saylov okrugi deputati Xidiyatullina Rima Rashitovna tomonidan saylov okrugi hududida navbatdagi o‘rganish ishlari olib borildi.

O‘rganish davomida 57-uy ro‘parasida, bolalar maydonchasi yonidagi hududda tozalik ishlari amalga oshirilganidan so‘ng hosil bo‘lgan chiqindilar hamda shox-shabbalar ikki haftadan buyon olib ketilmayotgani aniqlandi.

Mazkur holat hududning sanitariya va obodonlashtirish holatiga salbiy ta’sir ko‘rsatishi bilan birga, ayniqsa, bolalar maydonchasidan foydalanayotgan bolalar hamda shu hududda yashovchi fuqarolar uchun xavf tug‘dirishi mumkinligi qayd etildi.

Deputat tomonidan aniqlangan muammo yuzasidan mas’ul tashkilotlar oldiga hududni chiqindilardan zudlik bilan tozalash, shox-shabbalarni belgilangan tartibda olib chiqib ketish hamda hududning sanitariya-obodonlashtirish holatini yaxshilash bo‘yicha aniq vazifalar qo‘yildi va tegishli chora-tadbirlar belgilandi.

Deputat tomonidan mazkur masalaning ijrosi nazoratga olinib, muammoning qisqa muddatda to‘liq bartaraf etilishi bo‘yicha tegishli ishlar olib borilishi belgilandi.