Hududdagi mavjud muammolarni chuqur o‘rganish, ularni bosqichma-bosqich hal etish va aholiga qulay shart-sharoitlar yaratish masalalariga alohida e’tibor qaratilmoqda. Jumladan, mahallaning obodonlashtirish, yo‘l va ichki infratuzilma, muhandislik-kommunikatsiya tarmoqlari hamda ijtimoiy muhitini yaxshilashga qaratilgan amaliy ishlar izchil davom ettirilmoqda. 

Amalga oshirilayotgan bunyodkorlik va obodonlashtirish ishlari, avvalo, aholi uchun qulay va munosib yashash sharoitlarini yaratishga xizmat qilmoqda. Hududdagi o‘zgarishlar mahalla ahli tomonidan ham mamnuniyat bilan kutib olinib, bu boradagi ishlarni yanada jadallashtirish yuzasidan fikr va takliflar bildirilmoqda. Shu bilan birga aholi o‘rtasida yurtimizda amalga oshirilayotgan keng ko‘lamli islohotlar, hududlarni obod qilish, mahallalarni rivojlantirish va fuqarolarning farovonligini oshirishga qaratilgan yangilanishlarning mazmun-mohiyati yuzasidan tushuntirish ishlari olib borilmoqda. Muloqotlar davomida fuqarolarning murojaatlari, taklif va tashabbuslari tinglanib, ularni hal etish bo‘yicha tegishli chora-tadbirlar belgilab olinmoqda. Ayniqsa, mahallaning ijtimoiy-iqtisodiy rivojini ta’minlash, bandlikni oshirish, tadbirkorlikni qo‘llab-quvvatlash hamda aholi faolligini kuchaytirish masalalariga ustuvor ahamiyat berilmoqda. 

“Mergan” mahallasida olib borilayotgan bu kabi amaliy ishlar hududni bosqichma-bosqich obod va farovon maskanga aylantirish, aholining ertangi kunga bo‘lgan ishonchini mustahkamlash hamda “Yangi O‘zbekiston”ning yangilangan qiyofasini mahallalarda namoyon etishda muhim
ahamiyatga egadir. 

  👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi