Deputat 307-maktabning yangi o‘quv yiliga tayyorgarlik jarayonini o‘rgandi

📌Xalq deputatlari Yashnobod tuman Kengashi deputati Mirjamol Mirsaidov Istiqlol mahallasi hududida joylashgan 307-sonli umumta’lim maktabida bo‘lib, ta’lim muassasasining 2026–2027 o‘quv yiliga tayyorgarlik ishlarini o‘rgandi.

❗️Tashrif davomida maktab binosi va hududida amalga oshirilayotgan ta’mirlash hamda obodonlashtirish ishlari, o‘quv xonalarining holati, sport-sog‘lomlashtirish maydonchasi, tasviriy san’at va boshqa to‘garak xonalari, o‘quvchilar uchun yaratilgan shart-sharoitlar ko‘zdan kechirildi.

✅Shuningdek, maktab rahbariyati bilan suhbat o‘tkazilib, yangi o‘quv yilini uyushqoqlik bilan boshlash, mavjud kamchiliklarni o‘z vaqtida bartaraf etish, ta’lim sifatini yanada oshirish hamda o‘quvchilar uchun xavfsiz va qulay muhit yaratish masalalari muhokama qilindi.

O‘rganish yakunida aniqlangan masalalar yuzasidan tegishli taklif va tavsiyalar bildirildi.