Xalq deputatlari Qo‘qon shahar Kengashi deputati N.Shomatov tomonidan “Davronbek” mahalla fuqarolar yig‘inida navbatdagi o‘rganish ishlari olib borildi.

O‘rganish jarayonida Kengash kotibiyati bosh mutaxassislari X.Abdullayev va A.Adhamov tomonidan amaliy ko‘mak ko‘rsatildi.

O‘rganish davomida ko‘chaboshi Minavvarov Rustamjon bilan suhbat o‘tkazilib, mahalla hududidagi mavjud muammolar va aholi murojaatlari o‘rganildi.

Xususan, Bandi eshon ko‘chasining uzoq yillardan buyon asfaltlashtirilmay kelayotgani ma’lum bo‘ldi. Mazkur holat, ayniqsa, kuz-qish mavsumlarida aholining harakatlanishida noqulayliklar keltirib chiqarayotgani hamda fuqarolarning haqli e’tirozlariga sabab bo‘layotgani bildirildi.

Muammoni bartaraf etish, ko‘cha yo‘l qoplamasini yaxshilash va aholi uchun qulay sharoit yaratish maqsadida masala deputat N.Shomatov nazoratiga olindi.

Shuningdek, Bandi eshon ko‘chasini asfaltlashtirish masalasini tegishli mutasaddi tashkilotlar bilan hamkorlikda o‘rganish va amaliy ishlarni tashkil etish bo‘yicha kelishib olindi.

Xalq deputatlari Qo‘qon shahar Kengashi