Xalq deputatlari Paxtakor tumani Kengashi deputati A.Isoqulov o‘z saylov okrugi hududidagi Samarqand mahallasida istiqomat qiluvchi yoshlar bilan uchrashuv o‘tkazdi.

Yoshlarning ishga joylashish, kasb-hunar egallash, oliy ta’lim muassasalariga o‘qishga kirish hamda tadbirkorlik faoliyatini yo‘lga qo‘yish bilan bog‘liq murojaat va takliflari tinglandi. Deputat har bir murojaatni atroflicha o‘rganib, yoshlarni qiziqtirgan masalalar yuzasidan huquqiy va amaliy tavsiyalar berdi.

Shuningdek, yoshlarni bandligini ta’minlash, ularni kasb-hunarga yo‘naltirish, ta’lim olish uchun yaratilayotgan imkoniyatlardan samarali foydalanish hamda davlat dasturlari doirasidagi imtiyoz va qo‘llab-quvvatlash mexanizmlaridan foydalanish bo‘yicha zarur tushuntirishlar berildi.