“DAVLAT FUQAROLIK XIZMATI TO‘G‘RISIDA”GI QONUN MAZMUN-MOHIYATI
TUSHUNTIRILDI 

Xalq deputatlari Quva tuman Kengashi deputati A. Dadajonov, kotibiyat
mutaxassisi M.To‘xtasinovlar tomonidan Kengash doimiy komissiyalari faoliyati
doirasida o‘ziga biriktirilgan tuman “Inson” ijtimoiy himoya makazi xodimlari
ishtirokida O‘zbekiston Respublikasining 2022-yil 8-avgustda qabul qilingan
“Davlat fuqarolik xizmati to‘g‘risida”gi O‘RQ–788-son Qonunining
mazmun-mohiyatini tushuntirishga bag‘ishlangan targ‘ibot tadbiri o‘tkazildi. 

Tadbir davomida qonunning asosiy maqsadi, davlat fuqarolik xizmati sohasida
qonuniylik, ochiqlik, professionallik, xalq manfaatlariga xizmat qilish,
manfaatlar to‘qnashuvining oldini olish hamda davlat xizmatchilarining huquq va
majburiyatlariga oid muhim normalar yuzasidan atroflicha tushuntirishlar
berildi. 

Shuningdek, ishtirokchilarning qonunni amaliy qo‘llashga oid savollariga
javob berilib, davlat xizmatida yuksak mas’uliyat, halollik va xizmat
intizomiga rioya qilishning ahamiyati alohida ta’kidlandi.