Xalq deputatlari Qo‘qon shahar Kengashi deputati J.Xusanov tomonidan "G‘ishtko‘prik" mahalla fuqarolar yig‘inida hokim yordamchisi T.Maxmudov (o‘rganishda faoliyati yuzasidan ma’lumot berildi) tomonidan O‘zbekiston Respublikasining 2012-yil 26-apreldagi O‘RQ-327-sonli "Oilaviy tadbirkorlik to‘g‘risida"gi hamda 2012-yil 2-maydagi O‘RQ-328-sonli "Tadbirkorlik faoliyati erkinligining kafolatlari to‘g‘risida"gi Qonunlari ijrosi yuzasidan amalga oshirilayotgan ishlar o‘rganildi.

O‘rganish davomida mahallada tadbirkorlikni rivojlantirish, yangi ish o‘rinlarini yaratish, aholi bandligini ta’minlash hamda fuqarolarni davlat tomonidan qo‘llab-quvvatlash borasida olib borilayotgan ishlar bilan yaqindan tanishildi.

O‘rganish natijalariga ko‘ra:
26 nafar fuqaroning bandligi ta’minlangan va ular doimiy ish bilan ta’minlangan;
10 nafar fuqaroga imtiyozli kreditlar ajratilib, o‘z tadbirkorlik faoliyatini boshlashi va kengaytirishi uchun amaliy ko‘mak ko‘rsatilgan;
3 nafar fuqaroga subsidiya ajratilib, ularning biznes tashabbuslari qo‘llab-quvvatlangan;
"Kambag‘al oilalar reyestri"ga kiritilgan 16 nafar fuqaro kasb-hunarga o‘qitilib, mehnat bozorida raqobatbardoshligini oshirishga ko‘maklashilgan;
Mahalla hududida 26 ta mikroloyiha ishga tushirilib, yangi ish o‘rinlari yaratish va aholi daromadlarini oshirish bo‘yicha muhim natijalarga erishilgan.

O‘rganish jarayonida tadbirkorlikni rivojlantirish, oilaviy biznesni qo‘llab-quvvatlash, fuqarolarning daromad manbalarini ko‘paytirish hamda davlat tomonidan yaratilayotgan imkoniyatlardan samarali foydalanish masalalari yuzasidan mas’ullar bilan fikr almashildi.

Xalq deputatlari Qo‘qon shahar Kengashi