Xalq deputatlari Jondor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida Jondor tumanida 2026 yilning birinchi yarim yilligida “Mahallani rivojlantirish va jamiyatni yuksaltirish yili” davlat dasturi ijrosi yuzasidan tuman hokimi J. Xudoyyevning hisoboti atroflicha muhokama qilindi.
♻️Yig‘ilishda davlat dasturi doirasida aholi turmush farovonligini oshirish, mahallalar infratuzilmasini yaxshilash, ijtimoiy obyektlarni qo‘llab-quvvatlash, bandlikni ta’minlash, yoshlar va xotin-qizlarni qo‘llab-quvvatlash, shuningdek, madaniyat va sport sohalarida amalga oshirilgan ishlar tahlil qilindi.
♻️Doimiy komissiya a’zolari hisobot yuzasidan o‘z fikr va mulohazalarini bildirib, davlat dasturida belgilangan vazifalarning to‘liq va sifatli ijrosini ta’minlash, mahallalarda mavjud muammolarni manzilli hal etish hamda aholi murojaatlari bilan ishlash samaradorligini yanada oshirish bo‘yicha taklif va tavsiyalarni ilgari surdilar.
♻️Muhokamalar yakunida tuman hokimi hisoboti yuzasidan tegishli qaror qabul qilinib, davlat dasturi ijrosini izchil davom ettirish, belgilangan vazifalarning o‘z vaqtida bajarilishi ustidan doimiy deputatlik nazoratini kuchaytirish yuzasidan mas’ullarga tegishli topshiriqlar berildi.