Xalq deputatlari Uchquduq tuman Kengashi 6-Tog‘ saylov okrugi deputati, tuman hokimi U.Yelmuratov mas’ul rahbarlar ishtirokida “Abay” mahallasida bo‘lib, hududning bugungi holatini tanqidiy-tahliliy o‘rgandi.

🔹 O‘rganishlar davomida ko‘chama-ko‘cha yurilib, mahalladagi mavjud holat atroflicha ko‘zdan kechirildi. Aholining kayfiyatiga salbiy ta’sir ko‘rsatishi mumkin bo‘lgan omillar tahlil qilinib, sanitariya-tozalash, obodonlashtirish, ko‘kalamzorlashtirish hamda tashqi ko‘rinishi talab darajasida bo‘lmagan hududlar aniqlandi.

🌳 Shuningdek, hududni yanada obod va fayzli maskanga aylantirish, infratuzilmani yaxshilash hamda mavjud kamchiliklarni tezkor bartaraf etish bo‘yicha mas’ul tashkilotlar rahbarlariga aniq vazifalar yuklatildi. Har bir yo‘nalish bo‘yicha amalga oshiriladigan ishlarning muddatlari belgilab olinib, ijrosi qat’iy nazoratga olindi.

✅ Mahallalarda qulay va ozoda muhitni yaratish, aholining turmush sifatini yuksaltirish hamda hududlarni yanada obod etish borasidagi ishlar izchil davom ettiriladi.

Aniqlangan kamchiliklarni qisqa muddatlarda bartaraf etish yuzasidan berilgan topshiriqlarning o‘z vaqtida va sifatli bajarilishi doimiy nazorat ostida bo‘ladi.