Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tomonidan tumanning “G‘azalkent” mahallasida istiqomat qiluvchi fuqaro S.Satanov xonadoni o‘rganildi.

O‘rganish davomida xonadon hududidagi tomorqa yer maydonining samarali foydalanilishi, ekilgan qishloq xo‘jaligi ekinlari, sug‘orish tizimi, mavjud imkoniyatlar hamda oilaning daromad manbai sifatida tomorqadan foydalanish holati ko‘zdan kechirildi. Shuningdek, xonadon egalari bilan suhbat o‘tkazilib, tomorqachilikni rivojlantirishda uchrayotgan muammo va takliflar muhokama qilindi.

O‘rganish natijasida fuqaro tomonidan tomorqa yer maydonining asosiy qismida sabzavot, ko‘kat, mevali daraxt va turli gullar parvarish qilayotganligi, mavjud imkoniyatlardan oqilona foydalanilayotganligi qayd etildi. Shu bilan birga, tomorqaning har bir qarich yeridan unumli foydalanish, yuqori daromad keltiruvchi ekin turlarini ekish, intensiv usullarni joriy qilish hamda mavsumiy takroriy ekinlar yetishtirish orqali daromadni yanada oshirish yuzasidan tegishli tavsiyalar berildi.