O‘rganish davomida mahalla faollari, mas’ullar va aholi vakillari ishtirokida hududdagi mavjud muammolar muhokama qilindi. Xususan, Guliston ko‘chasidagi qariyb 950 metr uzunlikdagi ichimlik suvi tarmog‘i ma’nan va jismonan eskirgani, buning natijasida ichimlik suvi ta’minotida uzilishlar va boshqa noqulayliklar yuzaga kelayotgani qayd etildi. Mazkur tarmoqni yangisiga almashtirish zarurligi ta’kidlandi.

Shuningdek, deputat tomonidan fuqarolar bilan ochiq muloqot o‘tkazilib, hududdagi kommunal infratuzilma, obodonlashtirish, ichki yo‘llar va aholini qiynayotgan boshqa dolzarb masalalar yuzasidan murojaat hamda takliflar tinglandi.

O‘rganish yakunida aniqlangan muammolarni bosqichma-bosqich bartaraf etish, ichimlik suvi tarmog‘ini rekonstruksiya qilish masalasini vakolatli tashkilotlar bilan ko‘rib chiqish hamda zarur hollarda deputatlik so‘rovlari yuborish orqali masalalar ijrosini nazoratga olish bo‘yicha tegishli choralar belgilandi.

Fuqarolar murojaatlarini joyida o‘rganish, hudud infratuzilmasini yaxshilash va aholini qiynayotgan muammolarga amaliy yechim topish deputatlik faoliyatining ustuvor yo‘nalishlaridan biridir.

️ Xalq deputatlari Samarqand shahar Kengashi