🏛 Deputat saylovchilar murojaatini joyiga chiqib o‘rgandi

Xalq deputatlari Sherobod tumani Kengashining 16-Katta hayot–Do‘stlik saylov okrugi deputati T. Mirzayev hamda Kengash kotibiyati bosh mutaxassisi S. Safarov tomonidan "Do‘stlik" mahallasida saylovchilar tomonidan ko‘tarilgan muammolar joyiga chiqib o‘rganildi.

🔹 O‘rganish davomida aholini qiynab kelayotgan masalalar, jumladan, hudud infratuzilmasi, obodonlashtirish, kommunal xizmatlar va ijtimoiy soha bilan bog‘liq murojaatlar tinglanib, ularning holati joyida ko‘zdan kechirildi.

📋 Shuningdek, murojaatlar yuzasidan tegishli tashkilotlar vakillari bilan fikr almashilib, mavjud muammolarni bosqichma-bosqich bartaraf etish, qonunchilik doirasida yechim topish hamda ijrosini nazoratga olish yuzasidan tegishli vazifalar belgilandi.

🤝 Saylovchilar bilan ochiq muloqot qilish, ularning fikr va takliflarini eshitish hamda hududdagi dolzarb muammolarni o‘z vaqtida hal etish deputatlik faoliyatining ustuvor yo‘nalishlaridan biri hisoblanadi.

✅ Xalq deputatlari Sherobod tumani Kengashi deputatlari tomonidan saylovchilar bilan muntazam muloqot olib borilib, ularning murojaatlarini o‘z vaqtida o‘rganish va ijobiy hal etishga alohida e'tibor qaratilmoqda.