Deputatlar tomonidan olib borilgan nazorat-tahlil tadbirlari, deputatlik so‘rovlari, sayyor qabullar va amaliy tashabbuslar natijasida fuqarolarning ijtimoiy himoyasini kuchaytirish, bandligini ta’minlash, infratuzilmani yaxshilash hamda ehtiyojmand oilalarni qo‘llab-quvvatlash borasida muhim natijalarga erishildi.

💬2026-yilning birinchi yarim yilligida deputatlar tashabbusi va ko‘magi bilan:

🟢20 nafar fuqaro kambag‘allikdan chiqarilib, ularning daromad manbai yaratildi hamda ijtimoiy ahvoli yaxshilandi.

🟢20 nafar fuqaro doimiy ish o‘rinlariga joylashtirilib, bandligi ta'minlandi.

🟢25 ta yangi ish o‘rni tashkil etilib, aholining daromadini oshirishga xizmat qiluvchi yangi imkoniyatlar yaratildi.

🟢6 ta xonadonga quyosh panellari o‘rnatilib, energiya tejamkor texnologiyalarni joriy etish orqali fuqarolarning elektr energiyasi xarajatlarini kamaytirishga ko‘maklashildi.

🟢7 nafar iqtidorli va ehtiyojmand talabaning kontrakt to‘lovlari qoplab berilib, ularning oliy ta'limni davom ettirishiga amaliy yordam ko‘rsatildi.

🟢8 nafar ehtiyojmand fuqaro zarur dori-darmon vositalari bilan ta'minlandi.

🟢19 nafar nogironligi bo‘lgan shaxsga ijtimoiy va moddiy ko‘maklar ko‘rsatilib, ularning muammolarini hal etish yuzasidan amaliy choralar ko‘rildi.

🟢15 kilometr avtomobil yo‘li ta'mirlanib, mahallalar infratuzilmasini yaxshilash hamda aholiga qulay sharoit yaratishga erishildi.

🟢3 nafar mehnat migrantining doimiy bandligi ta'minlanib, ularning mehnat faoliyatini yurtimizda davom ettirishiga ko‘maklashildi.

💬Mazkur natijalar deputatlarning fuqarolar manfaatlarini himoya qilish, aholi murojaatlarini o‘z vaqtida ko‘rib chiqish, hududlarni kompleks rivojlantirish hamda davlat dasturlari ijrosi ustidan samarali deputatlik nazoratini amalga oshirish borasidagi izchil faoliyatining amaliy ifodasidir.

💬Har bir erishilgan natija ortida fuqarolarning ishonchi, oilalarning farovonligi va mahallalarning rivojlanishi mujassam. Deputatlar bundan buyon ham xalq manfaatlarini ta'minlash, hududlarda mavjud muammolarni bartaraf etish va aholining hayot sifatini yaxshilash yo‘lida faoliyatini izchil davom ettiradi.

🫥Xalq manfaatlari yo‘lida olib borilayotgan har bir tashabbus — inson qadri va farovon hayot sari qo‘yilgan muhim qadamdir.