Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

📹 DEPUTAT SO‘ROVI: MEVAZOR MAHALLASIDA VIDEOKUZATUV TIZIMINI KUCHAYTIRISH TASHABBUSI

🔹 Xalq deputatlari Shovot tumani Kengashi deputati Elyor Dushamov tomonidan saylovchilar murojaatlari asosida Shovot tumani Mevazor mahallasida jamoat xavfsizligini yanada mustahkamlash maqsadida deputat so‘rovi yuborildi.
🤝 Fuqarolar bilan o‘tkazilgan uchrashuvlar va murojaatlar tahlili natijasida mahallada huquqbuzarlik hamda jinoyatchilikning oldini olish uchun videokuzatuv tizimini kengaytirish zarurligi qayd etildi.
📌 Deputat so‘rovida quyidagi masalalar ilgari surildi:
✅ Mevazor mahallasida videokuzatuv kameralariga bo‘lgan ehtiyojni o‘rganish.
📹 Jinoyatchilik va huquqbuzarlik sodir etilishi ehtimoli yuqori bo‘lgan hududlarga 10 ta zamonaviy videokuzatuv kamerasi o‘rnatish masalasini ko‘rib chiqish.
💰 Ushbu tashabbusni amalga oshirish uchun moliyalashtirish manbalari hamda bajarish muddatlarini belgilash yuzasidan tegishli choralarni ko‘rish.
📝 Amalga oshirilgan ishlar va qabul qilingan qarorlar yuzasidan amaldagi qonunchilikda belgilangan muddatlarda yozma ma’lumot taqdim etish.
⏳ Shuningdek, "Xalq deputatlari viloyat, tuman va shahar Kengashi deputatining maqomi to‘g‘risida"gi Qonunning 8-moddasiga muvofiq deputat so‘roviga 10 kun ichida javob taqdim etilishi so‘ralgan.
⚖️ Eslatma: Ma’muriy javobgarlik to‘g‘risidagi kodeksning 193-moddasiga ko‘ra, deputat so‘rovini o‘z vaqtida ko‘rib chiqmaslik yoki bila turib noto‘g‘ri ma’lumot taqdim etish mansabdor shaxslarning ma’muriy javobgarligiga sabab bo‘ladi.