Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari Chilonzor tumani Kengashi deputatlarining tuman hokimligi mas’ul rahbarlari bilan birgalikda saylov okruglarida o‘tkazilayotgan uchrashuvlar davom etmoqda

Fuqarolar bilan ochiq muloqotni yo‘lga qo‘yish, ularni qiynayotgan muammolarni joyida o‘rganish hamda amaliy yechimlar ishlab chiqish maqsadida Xalq deputatlari Chilonzor tumani Kengashi deputatlarining tuman hokimligi mas’ul rahbarlari bilan hamkorlikda saylov okruglarida sayyor qabullari izchil davom ettirilmoqda.

Ana shunday uchrashuvlardan biri Xalq deputatlari Chilonzor tumani Kengashi deputati Sultonov Bahodir Turg‘unovich hamda Chilonzor tumani hokimining qurilish, to‘siqsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari Xamrayev Kamol Qozimovich ishtirokida tashkil etildi.

Sayyor qabul davomida hudud aholisi bilan ochiq muloqot o‘tkazilib, fuqarolar tomonidan yo‘l va ichki ko‘cha infratuzilmasini yaxshilash, ko‘p qavatli uy-joy fondini saqlash va ta’mirlash, ichimlik suvi hamda oqova suv tarmoqlari, elektr va boshqa muhandislik kommunikatsiyalarini modernizatsiya qilish, hududlarda ekologik barqarorlikni ta’minlash, daraxt va manzarali ko‘chatlar ekish, yashil hududlarni kengaytirish, shuningdek, aholi uchun qulay va to‘siqsiz muhit yaratishga oid qator murojaatlar bildirildi.

Mazkur uchrashuv O‘zbekiston Respublikasining "Xalq deputatlari mahalliy Kengashi deputatining maqomi to‘g‘risida"gi Qonuni, "Mahalliy davlat hokimiyati to‘g‘risida"gi Qonuni hamda "Jismoniy va yuridik shaxslarning murojaatlari to‘g‘risida"gi Qonuni talablariga muvofiq tashkil etildi. Ushbu qonun hujjatlariga ko‘ra, deputatlar saylov okruglarida fuqarolar bilan muntazam uchrashuvlar o‘tkazishi, ularning murojaatlarini qabul qilishi, muammolarni joyiga chiqib o‘rganishi hamda ularning ijobiy hal etilishi yuzasidan tegishli davlat organlari va tashkilotlari bilan hamkorlikda zarur choralarni ko‘rishi belgilangan.

Slide 1 of 2