Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

#huquqiy_axborot_soati #162_qonun Qonun va deputat faoliyati

Mazkur moddaga ko‘ra:

🔹 Deputatni daxlsizlik huquqidan mahrum qilish masalasi tegishli prokurorning taqdimnomasiga asosan xalq deputatlari Kengashi tomonidan 10 kun ichida ko‘rib chiqiladi.
🔹 Deputatni jinoiy javobgarlikka tortish, ushlab turish, qamoqqa olish yoki unga nisbatan sud tartibida beriladigan ma'muriy jazoni qo‘llash faqat Kengashning roziligi bilan amalga oshiriladi.
🔹 Kengashning qarori darhol tegishli prokurorga yuboriladi. Ish yakunlangach esa prokuror uch kun ichida Kengashni tergov va sud natijalari haqida xabardor qilishi shart.
🔹 Agar Kengash deputatni daxlsizlik huquqidan mahrum qilishga rozilik bermasa, bu holat jinoyat yoki sud tartibida ko‘riladigan ma'muriy ishni yuritishga to‘sqinlik qiluvchi huquqiy asos hisoblanadi.
🔹 Biroq, deputat o‘zi saylangan hududdan tashqarida jinoyat yoki ma'muriy huquqbuzarlik sodir etgan bo‘lsa, ayrim hollarda Kengash roziligini olish talab etilmaydi.

💬 Ushbu normalar deputatlik faoliyatining mustaqilligini ta'minlash bilan birga, qonun ustuvorligi va javobgarlik tamoyillarini ham muvozanatda saqlashga xizmat qiladi. Hech kim qonundan ustun emas, shu bilan birga deputatning vakolatlarini asossiz cheklashga ham yo‘l qo‘yilmaydi.

🤝 Xalq deputatlari mahalliy Kengashlari faoliyatida qonuniylik, ochiqlik va adolat tamoyillariga qat'iy rioya etilishi fuqarolarning vakillik hokimiyatiga bo‘lgan ishonchini yanada mustahkamlaydi.