Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Zaminobod mahallasidagi kanalizatsiya muammosi deputatlik so‘rovi orqali ko‘tarildi

#deputat_soʻrovi #poytaxtdeputatlari #deputatlik_faoliyati

❗️ Zaminobod mahallasidagi kanalizatsiya muammosi deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Otabek Jiyanboyev tomonidan Mirobod tumani “Zaminobod” mahalla fuqarolar yig‘inidan kelib tushgan murojaat asosida Toshkent shahar hokimining o‘rinbosari — Uy-joy kommunal xo‘jaligi bosh boshqarmasi boshlig‘i O.O. Muminov nomiga deputatlik so‘rovi yuborildi.

📩Murojaatda mahalla hududidagi Marg‘ilon ko‘chasi hamda Marg‘ilon tor ko‘chasida oqava suv tarmoqlari (kanalizatsiya) tizimi mavjud emasligi sababli aholi uzoq yillardan buyon qator noqulayliklarga duch kelayotgani qayd etilgan.

🔎 Fuqarolarning ta’kidlashicha, kanalizatsiya tizimining yo‘qligi hududdagi sanitariya-gigiyena holatining yomonlashishiga sabab bo‘lib, aholi salomatligi hamda turmush sifatiga salbiy ta’sir ko‘rsatmoqda. Ayniqsa, yoz mavsumida ushbu muammo yanada dolzarb tus olib, mahalla aholisining haqli e’tirozlariga sabab bo‘lmoqda.

📝 Shu munosabat bilan deputat Otabek Jiyanboyev tomonidan “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalariga asosan mazkur masalani atroflicha o‘rganish, Zaminobod mahallasining Marg‘ilon va Marg‘ilon tor ko‘chalarida oqava suv tarmoqlari (kanalizatsiya) tizimini barpo etish imkoniyatlarini ko‘rib chiqish hamda tegishli amaliy choralar ko‘rish yuzasidan deputatlik so‘rovi yuborildi.

🔺 Deputatlik so‘rovida mas’ul tashkilotdan o‘rganish natijalari va ko‘riladigan chora-tadbirlar yuzasidan asoslantirilgan ma’lumotni qonunchilikda belgilangan muddatda taqdim etish so‘ralgan.

🤝 Mazkur masala deputat tomonidan nazoratga olingan.

📱 Telegram 📱 Instagram 📱 Facebook 📱 YouTube 🔎 E-kengash

Slide 1 of 1