Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

Xalq deputatlari tuman Kengashi kotibiyati bosh mutaxassisi G.Abduvositova hamda xalq deputatlari tuman Kengashi deputatlari U.Achilovlar tomonidan aholining qo‘shimcha daromad manbalarini o‘rganish, tomorqadan samarali foydalanish hamda oilaviy tadbirkorlikni qo‘llab-quvvatlash maqsadida o‘rganish ishlari olib borildi.

Xalq deputatlari tuman Kengashi deputati B.Avliyoqulov tomonidan Mingbuloq mahallasida aholi uchun qulay va xavfsiz infratuzilmani shakllantirish maqsadida amalga oshirilgan obodonlashtirish ishlari joyiga chiqqan holda o‘rganildi.

Xalq deputatlari viloyat Kengashi deputati G. Bobojonova hamda tuman Kengashi deputati U. Achilovlar To‘rttol mahalla fuqarolar yig‘iniga tashrif buyurib, mahallada amalga oshirilayotgan ishlar hamda “mahalla yettiligi” faoliyati bilan yaqindan tanishdi.

Xalq deputatlari viloyat Kengashi deputati G.Bobojonova hamda tuman Kengashi deputati U.Achilovlar To‘rttol mahallasida bo‘lib, aholi bilan uyma-uy yurish orqali ochiq muloqotlar o‘tkazdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan tanishdilar.

Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasidagi 17-maktabgacha ta’lim tashkilotida bo‘lib, muassasaning faoliyati, tarbiya-o‘quv jarayoni va bolajonlar uchun yaratilgan shart-sharoitlar bilan yaqindan tanishdilar.

Xalq deputatlari tuman Kengashi deputati N.Nishonov 5-umumta’lim maktabida bo‘lib, ta’lim muassasasida olib borilayotgan ta’mirlash ishlari hamda “Dolzarb 90 kunlik” dasturi doirasida amalga oshirilayotgan tadbirlar bilan yaqindan tanishdi.

Xalq deputatlari tuman Kengashi deputati D.Alimov o‘z saylov okrugida aholini uzluksiz va sifatli elektr energiyasi bilan ta’minlash maqsadida amalga oshirilayotgan elektr tarmoqlarini modernizatsiya qilish ishlari bilan yaqindan tanishdi.

👨‍👩‍👧‍👦 “OILALAR MUSTAHKAMLIGINI KAFOLATLAYLIK!” AKSIYASI DOIRASIDA TARG‘IBOT TADBIRI O‘TKAZILDI

Kosonsoy tumani “Gulbog‘” mahalla fuqarolar yig‘ini hududida joylashgan 3-sonli qishloq oilaviy poliklinikasida “Oilalar mustahkamligini kafolatlaylik!” aksiyasi doirasida ma’naviy-ma’rifiy targ‘ibot tadbiri tashkil etildi.

Tadbirda mahalla faollari, xotin-qizlar, tibbiyot xodimlari hamda keng jamoatchilik vakillari ishtirok etib, oila institutini mustahkamlash, sog‘lom va barqaror oilaviy muhitni shakllantirish, farzandlar tarbiyasida ota-onalarning mas’uliyatini oshirish kabi dolzarb masalalar yuzasidan fikr almashildi.

Tadbir davomida Xalq deputatlari Kosonsoy tuman Kengashi deputati Shahribonu Ramazonova so‘zga chiqib, oilaning jamiyatdagi o‘rni va ahamiyati, oilaviy qadriyatlarni asrab-avaylash, er-xotin o‘rtasidagi o‘zaro hurmat va ishonchni mustahkamlash masalalariga alohida to‘xtalib o‘tdi. Shuningdek, sog‘lom turmush tarzini qaror toptirish, xotin-qizlar salomatligini muhofaza qilish, onalar va bolalar salomatligini mustahkamlash bo‘yicha amalga oshirilayotgan islohotlar haqida batafsil ma’lumot berdi.

Deputat o‘z ma’ruzasida bugungi kunda oilalarda ma’naviy muhitni sog‘lomlashtirish, yoshlarni oilaviy hayotga puxta tayyorlash, ajrimlarning oldini olish hamda farzandlarni milliy va umuminsoniy qadriyatlar ruhida tarbiyalash eng muhim vazifalardan biri ekanligini ta’kidladi. Oila mustahkam bo‘lsa, jamiyat ham barqaror va taraqqiy etgan bo‘lishi qayd etildi.

Tadbir jarayonida mutaxassislar tomonidan reproduktiv salomatlik, to‘g‘ri ovqatlanish, zararli odatlardan voz kechish, oilada sog‘lom psixologik muhitni yaratish va xotin-qizlarning ijtimoiy faolligini oshirish yuzasidan tavsiya hamda tushuntirishlar berildi.

Shuningdek, ishtirokchilar tomonidan oilaviy munosabatlar, farzand tarbiyasi, sog‘liqni saqlash va ijtimoiy qo‘llab-quvvatlash masalalari yuzasidan berilgan savollarga mutaxassislar hamda deputat tomonidan atroflicha javoblar qaytarildi.

Tadbir yakunida aholining huquqiy va ma’naviy savodxonligini oshirish, oilalar bilan manzilli ishlash, xotin-qizlar va yoshlar o‘rtasida targ‘ibot-tashviqot ishlarini yanada kuchaytirish bo‘yicha tegishli tavsiyalar berildi hamda bu kabi uchrashuvlarni muntazam ravishda tashkil etish muhimligi ta’kidlandi.

✅ Mustahkam oila — farovon jamiyat poydevori. Shu bois oilaviy qadriyatlarni asrash va sog‘lom avlod tarbiyasiga qaratilgan bunday tadbirlar aholi o‘rtasida keng ko‘lamda davom ettirilmoqda.

👉 Bizni ijtimoiy tarmoqlarda kuzatib boring!

Rasmiy sayt|📱 Telegram|📱 Facebook| 📱 Instagram| 📱 Youtube

Slide 1 of 2