Ўзбекистон ХДП Бўстон тумани кенгаши томонидан "Маориф" маҳалла фуқаролар йиғини ҳудудидаги 1-умумтаълим мактаби ўқитувчи ва ходимлари иштирокида мустақиллик йилларида партиямиз аъзоларининг жамиятимиз ҳаётидаги барча сиёсий ва ижтимоий жараёнларда фаол қатнашиб, туб ислоҳотларни амалга оширишда самарали фаолият кўрсатаётганини кенг тарғиб қилиш мақсадида “Бир бўлсак – ягона халқмиз, бирлашсак – Ватанмиз!” мавзусида давра суҳбати ўтказилди. Давра суҳбатида Ўзбекистон ХДП Бўстон тумани кенгаши раиси, туман депутатлари Кенгаши депутати М.Тўйчиева мустақиллик йилларида Ўзбекистон ХДП ҳамда Ўзбекистон Республикаси Олий Мажлиси Қонунчилик палатасидаги партия фракцияси ташаббуси билан аҳоли манфаатларини ҳимоя қилиш борасида Олий Мажлис Қонунчилик палатаси муҳокамасига киритилиб, қабул қилинган қонунлари ҳамда партия мақсади ва вазифалари хақида тушунчалар берди.