O’zbekiston Respublikasi Oliy Majlis Senati Kengashining 2024-yil 25-iyuldagi № KQ-785-IV sonli qarori ijrosi yuzasidan Oliy Majlis Senatining Xalqaro munosabatlar tashqi iqtisodiy aloqalar, xorijiy investisiya va turizm masalalari bo’yicha qo’mita raisi, senator Alimov Ravshanbek Ozodbekovich, Sud-huquq masalalari va korrupsiyaga qarshi kurashish qo’mitasi a’zosi, senator G’aniyeva Matluba Maxamajanovna,Xalq deputatlari Andijon viloyat Kengashi kotibiyat mudiri Toychiyeva Nasibaxon Sayfutdinovna, Xo’jaobod tumanidan Andijon viloyati Kengashiga saylangan deputat, senator G’aniyev Akromjon To’lqinovichlar Xo’jaobod tumaniga tashrif buyurdilar. 

 Tashrif davomida senatorlar tuman Kengashi deputatlari bilan birgalikda tuman hududi va tarmoqlarda iqtisodiy o’sish sur’atlarini ta’minlash bo’yicha yil yakuniga qadar ustuvor vazifalarning mazmun-mohiyati, shu jumladan, Sayxunobod, Zarbdor va G’ijduvon tajribalari asosida aholini tadbirkorlikka jalb qilish, bandligini ta’minlash va daromadlarini oshirish bo’yicha amalga oshirilgan ishlar yuzasidan tuman hokimi, hokim o’rinbosarlari, hamda “Mahalla yettiligi” ishtirokida tushuntrish-targ’ibot
tadbirlari tashkil etildi.  

Shuningdek, 2024-yil ikkinchi yarim yilligida amalga oshirilishi muhim bo’lgan ustuvor yo’nalishlar bo’yicha vazifalarning ijrosi, aholi bandligini ta’minlash bo’yicha nazorat o’rnatildi.   

Mahalliy Kengash deputatlari ham bir qator tashabbuslarni ilgari surib, o’zlarini qiziqtirgan savollarga batafsil javoblar oldilar.