Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari Ulug‘nor tumani Kengashi deputati O‘.Axmedov Fayziobod mahallasi fuqarolar yig‘ini binosida amalga oshirilayotgan joriy ta’mirlash ishlarining borishi bilan yaqindan tanishdi.

Xalq deputatlari viloyat Kengashi deputati G.Bobojonova Ulug‘nor tumanida joylashgan bolalar dam olish oromgohida bo‘lib, yozgi mavsum davomida bolalar uchun yaratilgan shart-sharoitlar hamda dam olish jarayoni bilan yaqindan tanishdi.

Sessiyaoldi o‘rganish doirasida Infratuzilma va barqarorlik jamg‘armasi mablag‘larini ajratish masalasi muhokama qilindi

Fazogir mahallasida deputat tomonidan fuqarolar qabuli o‘tkazildi

Deputat Nurobod mahallasidagi yo‘l-ta’mirlash ishlari bilan tanishdi

Deputat yo‘llarni ta’mirlash ishlarining borishi bilan tanishdi.

Xalq deputatlari tuman Kengashi deputati G‘.Mirzayev o‘zi saylangan hududdagi Guliston mahalla fuqarolar yig‘inida bo‘lib, hududdagi ijtimoiy himoyaga muhtoj, kam ta’minlangan hamda bemorligi bor oilalar holidan xabar oldi. Mazkur tashrif davomida deputat xonadon egalari bilan samimiy suhbat qurib, ularning kundalik turmush tarzi, yashash sharoitlari va ularni qiynayotgan muammolarni yaqindan o‘rgandi. Xalq vakili tomonidan mazkur oilalarga kundalik ehtiyoj uchun zarur bo‘lgan oziq-ovqat mahsulotlari to‘plami topshirildi.

Xalq deputatlari viloyat Kengashi deputati G.Bobojonova hamda Xalq deputatlari Ulug‘nor tuman Kengashi deputati U.Achilovlar Katta Andijon kanali ustida barpo etilgan, Ulug‘nor va Baliqchi tumanlarini o‘zaro bog‘lovchi yangi ko‘prikda bo‘lib, uning bugungi faoliyati va aholi uchun yaratilgan qulayliklar bilan yaqindan tanishdilar.

Xalq deputatlari tuman Kengashi deputati B.Avliyoqulov tomonidan Mingbuloq mahallasida O‘zbekiston Respublikasi Prezidentining 2026-yil 9-fevral kungi “2026-yilda hududlarni yangicha yondoshuvlar asosida rivojalantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi PQ-49-sonli qarori ijrosi yuzasidan amalga oshirilayotgan piyodalar yo‘lakchasining qurilish ishlari o‘rganildi.

Xalq deputatlari tuman Kengashi kotibiyati bosh mutaxassisi J.Axmadaliyev xizmat safari doirasida Fazogir mahallasida bo‘lib, mahallada olib borilayotgan ishlar, aholiga yaratilayotgan shart-sharoitlar hamda mahalla fuqarolar yig‘ini faoliyati bilan yaqindan tanishdi.

PREZIDENT QARORI IJROSI: SHO‘RCHIDA 300 O‘RINLI YANGI MAKTAB BINOSI JIHOZLANMOQDA

PREZIDENT QARORI IJROSI: SHO‘RCHIDA 300 O‘RINLI YANGI MAKTAB BINOSI JIHOZLANMOQDA

⚡️ 62-sonli maktabning yangi binosi tez kunda o‘quvchilarni o‘z bag‘riga oladi.

O‘zbekiston Respublikasi Prezidentining 2024-yil 24-dekabrdagi PQ-454-sonli qarori ijrosini ta’minlash hamda hududlarda
zamonaviy ta’lim infratuzilmasini yaratish borasida Sho‘rchi tumanida tizimli ishlar davom etmoqda.

📍 Mazkur dastur doirasida tumandagi 62-sonli umumiy o‘rta ta’lim maktabida barpo etilgan 300 o‘rinli yangi o‘quv binosida qurilish-montaj ishlari to‘liq yakunlandi.

🔍 Kuni kecha xalq deputatlari Sho‘rchi tumani Kengashi deputati Abdusamad Qudratov hamda tuman Kengashi kotibiyati mudiri O.Mamashukurovlar ob’ektning yakuniy holati va jihozlash jarayonlarini jamoatchilik nazorati tartibida o‘rgandilar.

✅ O‘rganish davomida quyidagilar ma’lum bo‘ldi:

Binoning qurilish ishlari loyiha talablariga muvofiq sifatli bajarilgan;
Hozirda sinf xonalarini zamonaviy partalar, o‘quv doskalari, laboratoriya jihozlari va axborot texnologiyalari vositalari bilan ta’minlash ishlari qizg‘in olib borilmoqda;
Maktab hovlisida obodonlashtirish va sport maydonchalarini so‘nggi tayyorgarlik holatiga keltirish ishlari davom etmoqda.
“Prezidentimiz qarori bilan qurilgan ushbu 300 o‘rinli bino mahallamiz yoshlari uchun katta tuhfa bo‘ldi. Qurilish bitdi,
hozirda jihozlash ishlari ketmoqda. Bizning vazifamiz — har bir jihozning sifatli bo‘lishini va o‘quvchilar uchun eng qulay muhit yaratilishini nazorat qilishdir”, — deya ta’kidlashdi xalq vakillari.

🚀 Tez kunda ushbu muhtasham va shinam bilim maskani tantanali ravishda foydalanishga topshiriladi. Bu esa tumanda ta’lim sifatini oshirish va o‘quvchi o‘rni taqchilligini bartaraf etishda muhim qadam bo‘ladi.

Slide 1 of 1