Sessiyada tiykarınan áhmiyetli 7 másele deputatlar názerine usınıldı. Bunda rayon aymaǵında investiciyalar qamtıw hám investiciya baǵdarlamaların ámelge asırıw boyınsha rayon hákimi orınbasarınıń esabatında rayonda ekport kólemi onı elede asırıw ilajları belgilendi.

Rayonında jergilikli byudjet parametrleriniń 2023-jıldıń 9 ayı dawamında orınlanıwı, sonday-aq, rayonda 2023-jılda xalıqtıń bántligin támiyinlew baǵdarlamalarınıń orınlanıwı boyınsha rayonlıq kambaǵallıqtı kısqartıw hám bántlik bólimi baslıǵınıń 2023-jıl 10 ayı dawamında ámelge asırǵan jumısları haqqında esabatı tıńlandı. Islengen jumıslar pikir usınıslar menen tiyisli qarar qabıl etildi.

Hámmemizge málim jaslar siyasatı hám olardıń turmısı menen baylanıslı máseleler elimiz siyasatınıń baslı baǵdarlarınan biri. Bul boyınsha Ózbekstan Jaslar isleri agentligi rayonlıq bólimi baslıǵının Jaslar balansı” tiykarında jaslardıń social shárayatı, qızıǵıwshılıǵı máselelerinen kelip shıǵıp, rayon jasları menen individual islew sisteması boyınsha ámelge asırılǵan jumısları haqkında bayanatı deputatlar tárepinen jaqsı bahalandı.

Balalar máseleleri boyınsha Qanlıkól rayonı komissiyası tárepinen 2023-jıldıń 9 ayı dawamında ámelge asırılǵan jumısları haqqında esabat qanáátlandırarlı bahalandı.

AK «Agro Bank», «Xalıq Bank» rayonlıq filialları tárepinen xalıqqa jaratılıp berilip atırǵan imkaniyatlar, sonday-aq, olarda isbilermenlik kónlikpelerin payda etiw boyınsha alıp barılıp atırǵan jumıslar hám ondaǵı ushırasıp atırǵan mashqalalar boyınsha 2023-jıldıń 9 ayı dawamında ámelge asırılǵan jumısların elede jetilisriw ilajları belgilendi.

Sessiya májilisinde barlıq máseleler deputatlar tárepinen kórip shıǵılıp tiyisli qararlar qabıl etildi.

Slide 1 of 8