#deputatlik_nazorati_Uchtepa #deputat_sorovi

🇺🇿 Xalq deputatlari Uchtepa tumani Kengashi "22-Vatan" okrugi deputati Revtov Oleg Viktorovich tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📁 Ushbu deputatlik so'roviga ko'ra, Fuqarolardan kelib tushgan murojaatlar hamda “22-Vatan” saylov okrugi hududida olib borilgan o‘rganishlar davomida Vatan mahallasidagi 55-ko‘p qavatli uy orqa tomonida joylashgan bolalar stomatologiya shifoxonasiga kirish yo‘lagini obodonlashtirish va ta’mirlash zarurati mavjudligi aniqlangan.

💹 Mazkur yo‘lakka asfalt qoplamasi yotqizish, bordyurlar o‘rnatish hamda tungi vaqtda fuqarolarning xavfsiz va qulay harakatlanishini ta’minlash maqsadida yoritish tizimini tashkil etish talab etiladi. Ayniqsa, shifoxonaga bolalar, ularning ota-onalari va boshqa fuqarolar muntazam tashrif buyurishini inobatga olgan holda, ushbu hududni tartibga keltirish muhim ahamiyatga ega.

⚠️ Yuqoridagilarni inobatga olib, quyidagi masalalarni ko'rib chiqib, aniq ma’lumot taqdim etish so‘ralmoqda.

  ✍️ Vatan mahallasidagi 55-uy orqa tomonida joylashgan bolalar stomatologiya shifoxonasiga kirish yo‘lagining mavjud holatini vakolatli mutaxassislar ishtirokida o‘rganish;

  ✍️ yo‘lakka asfalt qoplamasi yotqizish, bordyurlar o‘rnatish va tungi yoritish tizimini tashkil etish bo‘yicha zarur ishlar hajmini hamda dastlabki xarajatlarni aniqlash;

   ✍️ mazkur ishlarni moliyalashtirish imkoniyatlarini ko‘rib chiqib, ularni 2027-yilda tuman miqyosida amalga oshiriladigan qurilish, yo‘l-ta’mirlash va obodonlashtirish ishlari manzilli rejasiga kiritish yuzasidan tegishli choralar ko‘rish;

✍️ belgilangan tartibda amalga oshirilishi rejalashtirilgan ishlar, moliyalashtirish manbalari va ijro muddatlari yuzasidan asoslantirilgan va aniq yozma javob taqdim etish so'ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.