Tashrif davomida mahalladagi “yettilik” faoliyatining samaradorligi, fuqarolar murojaatlari bilan ishlash hamda aholi muammolarini hal etish borasida amalga oshirilayotgan ishlar o‘rganildi.

Jumladan, mahallada faoliyat yuritayotgan bank xodimining ishlari, aholiga ko‘rsatilayotgan bank xizmatlari, fuqarolarni moliyaviy qo‘llab-quvvatlash hamda tadbirkorlikni rivojlantirish borasidagi faoliyati bilan tanishildi.
Shuningdek, tegishli qaror va farmonlar ijrosining ta’minlanishi yuzasidan nazorat-o‘rganish ishlari olib borildi. O‘rganish davomida mavjud masalalar muhokama qilinib, belgilangan vazifalar ijrosini samarali tashkil etishga alohida e’tibor qaratildi.

Deputatlarning bunday hamkorlikdagi o‘rganishlari mahallalarda amalga oshirilayotgan ishlar samaradorligini oshirish, aholi manfaatlarini himoya qilish va fuqarolarni qiynayotgan masalalarga amaliy yechim topishda muhim ahamiyat kasb etadi.