📌#Deputatlik_soʻrovi_yuborildi

🏛 XALQ DEPUTATLARI QO‘SHKO‘PIR TUMANI KENGASHI
📅 2026-yil 22-oktabr
🔢 146-ds-468-26-son
🏫 47-SONLI MAKTAB HUDUDIGA 600 METRLIK HIMOYA DEVORI QURISH MASALASI KO‘TARILDI
Xalq deputatlari Qo‘shko‘pir tumani Kengashi deputati Sattarova Dinora Jumanazarovna tomonidan maktab o‘quvchilari xavfsizligini ta’minlash va ta’lim muassasasi hududini muhofaza qilish masalasi yuzasidan deputatlik so‘rovi yuborildi.
Deputatning ma’lum qilishicha, 47-sonli umumiy o‘rta ta’lim maktabi atrofida 600 metr uzunlikdagi himoya devori (to‘siq) qurish zarurati mavjud. Mazkur to‘siq maktab hududiga begona shaxslarning kirib kelishining oldini olish, o‘quvchilar xavfsizligini ta’minlash hamda maktab hududini obodonlashtirishda muhim ahamiyatga ega.
Shu munosabat bilan tuman Maktabgacha va maktab ta’limi bo‘limi rahbari Sh. Jumaniyozovdan mazkur masalani atroflicha o‘rganib chiqish, asoslantirilgan tushuntirish berish hamda o‘z nuqtayi nazarini bayon etish so‘raldi.
⚖️ Qonunchilik talabiga ko‘ra, deputatlik so‘roviga 10 kun muddat ichida javob berilishi belgilangan.
📞 Bog‘lanish uchun: 97-527-25-70
⚠️ Eslatma: Ma’muriy javobgarlik to‘g‘risidagi kodeksning 193-moddasiga muvofiq, deputatlik so‘rovini ko‘rib chiqmaslik, belgilangan muddatni uzrsiz buzish yoki bila turib noto‘g‘ri ma’lumot taqdim etish mansabdor shaxslarga bazaviy hisoblash miqdorining 3 baravaridan 7 baravarigacha jarima solinishiga sabab bo‘lishi mumkin.
Fuqarolar manfaatlari — bizning ustuvor vazifamiz!