Xalq deputatlari Qo‘qon shahar Kengashining 15-«Yangi Chorsu» saylov okrugidan saylangan deputati M. Yunusov tomonidan «Yangi Chorsu» mahalla fuqarolar yig‘ini hududida o‘rganish ishlari olib borildi.

O‘rganish davomida mahallaning Norbutabek ko‘chasi, 10-uyda istiqomat qiluvchi, “Ayollar daftari”ga kiritilgan fuqaro D.Aminova xonadoniga tashrif buyurilib, oilaning yashash sharoiti hamda ijtimoiy qo‘llab-quvvatlash yo‘nalishida amalga oshirilgan ishlar bilan tanishildi.

Ma’lum bo‘lishicha, fuqaroning uy-joy sharoitlarini yaxshilash maqsadida “Ayollar daftari” jamg‘armasi hisobidan 20 million so‘mlik qurilish materiallari olib berilgan. Mazkur yordam xonadonda ta’mirlash ishlarini amalga oshirish va yashash sharoitlarini yaxshilashga qaratilgan.

O‘rganishlar davomida aholining ijtimoiy muammolariga e’tibor qaratish, ehtiyojmand oilalarni qo‘llab-quvvatlash hamda ajratilayotgan yordamning fuqarolar turmush sharoitini yaxshilashdagi ahamiyatini o‘rganishga alohida e’tibor berilmoqda.

Xalq deputatlari Qo‘qon shahar Kengashi