“EKOLOGIYA VA SALOMATLIK” — SOG‘LOM HAYOT VA EKOLOGIK MADANIYAT YO‘LIDA!

O‘zbekiston Ekologik partiyasi Mirzo Ulug‘bek tumani partiya tashkiloti raisi A.Sattorov va partiya deputatlari tumandagi 256-sonli maktabda faoliyat yuritayotgan o‘qituvchi ayollar bilan davra suhbati o‘tkazdi.

Suhbat davomida ishtirokchilarga “Ekologiya va salomatlik” ayollar klubi maqsad va vazifalari, xotin-qizlarning ekologik madaniyatini yuksaltirish, sog‘lom turmush tarzini targ‘ib qilish, atrof-muhitni muhofaza qilish borasidagi tashabbuslarni qo‘llab-quvvatlashdagi o‘rni tushuntirildi.

Ayniqsa, ta’lim sohasi vakillari yosh avlod qalbida tabiatga mehr, ekologik mas’uliyat va sog‘lom hayot tarziga intilishni shakllantirishda muhim o‘rin tutadi.

Davra suhbati davomida deputatlari tomonidan o‘qituvchi ayollarni “Ekologiya va salomatlik” ayollar klubi faoliyatida ishtirok etishga, ekologik targ‘ibot ishlarida faol bo‘lishga taklif etildi.