Kanalizatsiya tarmoqlari qurilishi o‘rganildi

Xalq deputatlari Taxiatosh tumani Kengashiga O‘zbekiston “Milliy tiklanish” demokratik partiyasidan saylangan deputat Medetova Asiya Nizamatdinovnaning topshirig‘iga ko‘ra, Kengash kotibiyati bosh mutaxassisi A.Aymbetov Ekspert guruhi a’zosi bilan birgalikda “Xalqlar do‘stligi” MFY hududida olib borilayotgan kanalizatsiya tarmoqlari qurilishini joyiga chiqib o‘rgandi.

🔎 O‘rganish davomida qurilish ishlarining borishi, loyiha talablariga rioya etilishi va ishlarni belgilangan muddatlarda yakunlash masalalari ko‘rib chiqildi.

🏗 Shuningdek, qazish ishlari yakunlanganidan so‘ng qum va tuproq qoldiqlarini o‘z vaqtida olib chiqish, chang-to‘zonning oldini olish hamda qazilgan joylarni qayta tiklash zarurligiga e’tibor qaratildi.

🌱 Qurilish ishlari tugallangan hududlarda tozalikni saqlash, tartibni tiklash va obodonlashtirish ishlarini o‘z vaqtida amalga oshirish yuzasidan tavsiyalar berildi.

O'rganish natijalari bo‘yicha ma’lumotlar deputat va Kengash kotibiyati mudiriga taqdim etiladi.