OILAVIY QADRIYATLARNI MUSTAHKAMLASH VA XOTIN-QIZLARNI QO‘LLAB-QUVVATLASH — DEPUTATLIK E’TIBORIDA

📍Xalq deputatlari Olmazor tumani Kengashi raisi, 9-«G‘alaba» saylov okrugi deputati Shaxnoza Umarxodjayeva «G‘alaba» mahalla fuqarolar yig‘inida faol xotin-qizlar hamda ijtimoiy ko‘makka muhtoj ayollar bilan uchrashuv o‘tkazdi.

🕊 Uchrashuv doirasida «Oila — milliy qadriyatlar maskani» mavzusida ma’naviy-ma’rifiy tadbir tashkil etilib, oilaviy qadriyatlarni asrab-avaylash, oilalarda sog‘lom ma’naviy muhitni shakllantirish va oilaviy barqarorlikni mustahkamlash masalalariga e’tibor qaratildi.

👨‍👩‍👧‍👦 Shuningdek, turmush qurish istagidagi yoshlarni oilaviy hayotga tayyorlash, ularni «Yoshlarni oilaviy hayotga tayyorlash markazi»dagi o‘quv mashg‘ulotlariga jalb etish hamda bu borada targ‘ibot tadbirlarini tashkil etish masalalari muhokama qilindi.

🤝 Oilaviy nizolarning oldini olish maqsadida ajrim yoqasiga kelib qolgan, sud va FHDYO organlariga nikohni bekor qilish yuzasidan ariza bilan murojaat qilgan oilalar bilan ishlash, ularni yarashtirish hamda oilalarni saqlab qolishga ko‘maklashish choralari ko‘rib chiqildi.

📚 Bundan tashqari, erta nikoh, erta tug‘ruq va qarindoshlar o‘rtasidagi nikohning oldini olish bo‘yicha tushuntirish ishlari olib borildi. Yoshlar va ota-onalar o‘rtasida ushbu holatlarning salbiy oqibatlari haqida targ‘ibot ishlarini kuchaytirish muhimligi ta’kidlandi.

🏛 Uchrashuv deputatlik faoliyati doirasida xotin-qizlarni qo‘llab-quvvatlash, oilaviy muammolarni o‘rganish, murojaatlarni hal etishga ko‘maklashish va mahallada ijtimoiy barqarorlikni mustahkamlashga qaratildi.

👇 Bizni ijtimoiy tarmoqlarda kuzatib boring!