🏛 Xalq deputatlari Shovot tumani Kengashining ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.
🗂 Kun tartibidagi masala:
Mahallalarda ishsizlik va kambag‘allikni qisqartirish hamda mehnat migratsiyasida bo‘lgan fuqarolar bilan ishlashda aniqlangan masalalar to‘g‘risida.
📊 O‘rganishlar natijasida:
🏘 Tumandagi 52 ta mahallada 49 188 ta oilaning ijtimoiy holati tahlil qilindi.
👨‍👩‍👧‍👦 Ijtimoiy reyestrdagi oilalarning bandligi va daromad manbalari o‘rganildi.
💼 7 nafar fuqaroning bandligi ta’minlandi.
🩺 6 nafar fuqaroga tibbiy, 2 nafariga ta’lim va 2 nafariga ijtimoiy xizmat ko‘rsatildi.
🤝 Ijtimoiy reyestrda bo‘lmagan 1 nafar ishsiz fuqaroning bandligiga ko‘maklashildi.
🌍 Mehnat migratsiyasida bo‘lgan 1 nafar fuqaroning Vatanga qaytishi ta’minlandi.
✅ Yig‘ilishda aniqlangan muammolarni bartaraf etish, ehtiyojmand oilalarni manzilli qo‘llab-quvvatlash, mehnatga layoqatli fuqarolar bandligini ta’minlash hamda oilalarning doimiy daromad manbalarini shakllantirish bo‘yicha vazifalar muhokama qilindi.