Xalq deputatlari Qo‘qon shahar Kengashi deputati M.Azimov saylangan “Urg‘anjibog‘” saylov okrugi hududidagi “Sumbula” mahalla fuqarolar yig‘inida Kengash Kotibiyati mudiri A.Nosirov tomonidan o‘rganish ishlari olib borildi.

O‘rganish jarayoni “Madad” nodavlat notijorat tashkiloti vakili M.Toshboltayeva bilan hamkorlikda tashkil etildi. Unda mahallada faoliyat yuritayotgan ijtimoiy xodim Sh.Meliboyevning faoliyati, aholining ijtimoiy ehtiyojlarini aniqlash va ehtiyojmand oilalar bilan ishlash holati o‘rganildi.

O‘rganish davomida “Sumbula” mahallasida jami 30 ta oila Ijtimoiy reyestrga kiritilgani ma’lum bo‘ldi. Ushbu oilalarning:

️10 tasi davlat ta’minotidagi oilalar;

️20 tasi kambag‘al oilalar toifasiga kiradi.

Shuningdek, ijtimoiy xodim tomonidan mazkur oilalar bilan olib borilayotgan ishlar, ularning muammolarini aniqlash, zarur ijtimoiy xizmatlarni tashkil etish hamda mavjud ehtiyojlardan kelib chiqib manzilli yordam ko‘rsatish masalalariga e’tibor qaratildi.

O‘rganish yakunida Ijtimoiy reyestrga kiritilgan oilalar bilan tizimli ishlash, ularning ijtimoiy holatini yaxshilash va tegishli xizmatlar bilan qamrab olish borasidagi hamkorlikni davom ettirish masalalari muhokama qilindi.

Xalq deputatlari Qo‘qon shahar Kengashi